IL PATRIMONI MUNDIAL E LA BOVA DA FLEM – CO È TRIN PERTUTGÀ?
La Cuminonza Romontscha Trin envida cordialmain ad in:
Referat cun Prof. Adrian Pfiffner
„IL PATRIMONI MUNDIAL E LA BOVA DA FLEM – CO È TRIN PERTUTGÀ?“
venderdis, 13 da november 2026, 20:30
nua: Casa cultura Ringel
Il patrimoni mundial Sardona demussa sco las Alps èn vegnidas furmadas. In dals elements essenzials è la “lingia magica” visibla sisum la chadaina tranter il Piz Barghis ed il Piz Dolf. Sur questa lingia è tschentada crappa pli vedra sin crappa pli giuvna. Co è quai pussaivel?
Avant 9473 onns è la mesadad dal Crap da Flem crudada aval, ina bova da crappa cun in volumen da sur 11 km³! Las ruinas èn sa rasadas ora en direcziun da Glion, Stussavgia e Panaduz. Il Bot Fiena ed il Bot la Cresta fan part da questas ruinas. La bova da Flem ha retegnì il Rain Anteriur ed ha chaschunà in lag da serra. Quest lag è rut ora avant circa 9250 onns ed ha innundà l’entira Val dal Rain enfin al Lai Bodan. A Trin ha questa catastrofa laschà nascher ils plauns da Ransun e Dabi. Pli tard ha il Rein Anteriur entaglià las ruinas e furmà la Ruinaulta.
Era buca commember:as èn cordialmain envidad:as! In‘annunzia n‘è betg necessaria.